Дар Душанбе теъдоди автосалонҳои замонавӣ афзоиш меёбад

Август 17, 2015 05:43

Душанбе, 17.08.2015.(АМИТ «Ховар», Марзия Саидзода).- Бо кӯчонидани мошинбозор аз ҳудуди Душанбе минбаъд дар пойтахт шумораи  автосалонҳои замонавии шахсӣ афзоиш хоҳад ёфт. 
Бино ба иттилои Сайфулло Амонов- сардори Раёсати иқтисод ва савдои шаҳр,  алҳол дар  маҳаллаҳои 33, 46, Гулистон ва бархе аз фурӯшгоҳҳои бузурги маркази пойтахт  чунин автосалонҳо фаъолият доранд, ки теъдоди онҳо ба даҳ адад мерасад. Дар чунин фурӯшгоҳҳо  автомобилҳои нави истеҳсоли  ширкатҳои автомобилсозии Корея ва Ҷопон ба фурӯш гузошта шудаанд, ки тоҷирон онҳоро асосан аз Имороти Муттаҳидаи Араб ворид меозанд. С. Амонов афзуд, ки минбаъд дар асоси Нақшаи генералии шаҳри Душанбе дар ҳудуди  пойтахт ба ҷои  мошинбозор танҳо фурӯшгоҳҳои бузурги автомобилӣ сохта мешавад. Мавриди зикр аст, ки охири моҳи май мошинбозори Душанбе, ки дар масоҳати 3,7 гектар дар маҳаллаи Гипроземи Душанбе воқеъ буд,  ба деҳаи Чимтеппаи ноҳия Рӯдакӣ кӯчонида шуд. Ин дар ҳолест, ки тибқи омори гумрукӣ дар зарфи шаш моҳи соли равон нисбат ба ҳамин давраи соли гузашта воридоти воситаҳои нақлиёти сабукрав ба ҷумҳурӣ 15,1 ҳазор адад ё ба маблағи 70,6 миллион доллар коҳиш ёфтааст. Коҳиш ёфтани воридоти воситаҳои нақлиёти сабукрав ба таъсири бӯҳрони молиявӣ рабт дода мешавад.

 

Август 17, 2015 05:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд