Дар Форёб 230 ҷангии толибон таслим шуд

Душанбе, 29.08.2015. (АМИТ “Ховар”). — 230 гурӯҳи толибон дар Форёби Афғонистон аслиҳаи худро ба замин гузошта ба неруҳои давлатӣ таслим шуданд ва ба раванди сулҳ пайвастанд. Расонаҳои хабарии Афғонистон рӯзи 28 август бо интишори ин хабар таъкид доштанд, ки ин афрод дар пайи шиддат гирифтани ҳамлаҳои Артиши давлатии ин кишвар ба минтақаи Форёб аз идомаи муқовимат даст кашидаанд.
Ин дар ҳоле аст, ки толибон шаҳри Мусоқалъаи музофоти ҷанубии Ҳилмондро ишғол намудаанд. Ҳоло дар ин шаҳр неруҳои давлатии Афғонистон барои аз тасарруфи толибон озод намудани он амалиёти густурдаи низомӣ ба роҳ мондаанд.