Даст задани ҷавонон ба ғоратгарӣ

Душанбе, 12.08.2015. (АМИТ «Ховар», Ситораи Боймурод).- Сокини 28-солаи ноҳияи Ҳисор ба ШВКД-и  ҳамин  ноҳия бо ариза дар мавриди он ки  9 августи соли равон, шахсони номаълум дар назди маркази ноҳия бародари 16-солаашро лату кӯб намуда, бо роҳи зӯроварӣ аз дасташ 1-адад телефони тамғаи Айфон ва 2 538 сомониро тасарруф намуда, аз ҷойи ҳодиса ғайб задаанд,  муроҷиат намудааст. 
Зимни гузаронидани чорабиниҳои фаврию ҷустуҷӯӣ аз ҷониби кормандони милитсия ду ҷавони 22 ва 18-солаи сокини  ноҳияи Ҳисор бо гумони даст доштан дар ҷинояти ғоратгарӣ дастгир карда шудаанд. 
Бино ба иттилои Хадамоти матбуоти Вазорати корхои дохилии Ҷумҳурии  Тоҷикистон, нисбат ба далели мазкур парвандаи ҷиноятӣ оғоз гардида, тафтишот идома дорад.