Даври дуюми аксияи «Тозагии соҳил- 2015» оғоз шуд

Душанбе,  19.08.2015 (АМИТ «Ховар», Рафоати Абдулҳамид).- Бо мақсади таъмин намудани вазъи экологии соҳилҳои дарёҳо, рудҳою обанборҳо ва дигар ҷўю каналҳо дар минтақаҳои аҳолинишин, инчунин ҷиҳати ҷалби сокинони мамлакат ба беҳсозии муҳити зист дар қаламрави ҷумҳурӣ даври дуюми аксияҳои «Тозагии соҳил- 2015» баргузор мегардад.
 Даври дуюми аксияҳои «Тозагии соҳил- 2015» ба истиқболи ҷашни Истиқлолияти давлатӣ роҳандозӣ гардида, давоми моҳи август, рўзҳои шанбеи ҳар ҳафта ҷараён мегирад. 
Рафти ин чорабинии оммавӣ аз тариқи шабакаҳои радиову телевизионҳои ҷумҳуриявиву вилоятӣ ва маҳаллӣ ба аҳолӣ пешниҳод мегардад.