Ду амалиёти АНМН дар вилояти Бадахшон
Душанбе, 24.08.2015 (АМИТ «Ховар», Фарзонаи Давлат).-Шабонарӯзи гузашта кормандони Раёсати Агентии назорати маводи нашъаовари назди Президенти ҶТ ду ҳодисаи кӯшиши гузаронидани қочоқи маводи нашъаоварро пешгирӣ намуданд.
Ба иттилои Агентии назорати маводи нашъаовари назди Президенти ҶТ, амалиёти якум дар қишлоқи Андароби ноҳияи Ишкошим ба анҷом расида, кормандони Агентӣ бо гумони даст доштан дар қочоқи маводи нашъаовар сокини 39-солаи маҳаллиро дастгир намуданд. Аз ӯ як борхалта мусодира гардид, ки дар дохили он 4 баста бо маводи ҷигариранги бӯи махсус дошта мавҷуд буд.
Тибқи хулосаи экспертизаи судӣ, маводи мусодирашуда гашиш буда, вазни беш аз 2 килограммро дошт.
Амалилиёти дуюмро кормандони Агентӣ дар якҷоягӣ бо хизматчиёни ҳарбии Сарраёсати Қӯшунҳои сарҳадии КДАМ ҶТ гузаронида, дар ҳудуди деҳаи Ёмчи, ноҳияи Шуғнон ҳангоми кӯшиши гузаронидани қочоқи маводи нашъаовар сокини 40-солаи вилояти Бадахшонро дастгир карданд, ки аз ӯ як адад халта мусодира шуд ва дар дохили он зиёда аз 12 кг гашиш буд.
Дар нисбати ин ду ҳодиса аз рӯи якчанд моддаи Кодекси ҷиноятии ҶТ — м. 200 қ. 3 — “Муомилоти ғайриқонунии воситаҳои нашъадор ё моддаҳои психотропӣ бо мақсади ба соҳибияти каси дигар додан ба миқдори калон”, м. 289. “Қочоқ” ва м. 335. “Ғайриқонунӣ гузаштан аз Сарҳади давлатии Ҷумҳурии Тоҷикистон” парвандаи ҷиноӣ оғоз гардидааст.
Дар айни ҳол чорабиниҳои оперативӣ барои муайян намудани он шаҳрвандони Тоҷикистон, ки ба ҷинояти мазкур алоқамандӣ доранд, гузаронида мешаванд. Боздоштшудагон ҳоло дар Тавқифгоҳи нигоҳдории муваққатии Раёсати Агентӣ нигоҳ дошта мешаванд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






