Фестивал-озмуни ҷумҳуриявии «Ҷилваи чакан»

Август 7, 2015 10:28

Душанбе, 07.08.2015. (АМИТ «Ховар», Ситораи Боймурод).- Тибқи иттилои Вазорати фарҳанги кишвар, дар миқёси ҷумҳурӣ Фестивал-озмуни ҷумҳуриявии «Ҷилваи чакан» дар даҳаи дуюми моҳи октябр дар ду давр баргузор хоҳад шуд. 
Ба иттилои манбаъ, нахуст дар сатҳи ноҳиявӣ ҳунармандони беҳтарин интихоб шуда, ба даври ҷумҳуриявӣ роҳ меёбанд. Даври дувуми Фестивал-озмун ҳамасола дар шаҳри Душанбе дар рӯзҳои ҷашни миллии «Меҳргон», дар макони аз тарафи Кумитаи тадорукот муқарраргардида барпо мегардад. Дар Фестивал маҳсулоти гуруҳӣ ё инфиродии ҳунарҳои бадеии ҳалқӣ аз қабили ҳунарҳои гулдӯзӣ, зардӯзӣ, чакан, атлас, читгарӣ, бофандагӣ, ороиши суннатӣ, зардӯзӣ, наққошӣ дар матоъ, расму оин, маросимҳо, ҷашнвораҳои марбута, фолклор пешниҳод мегарданд. 
Доварон ба маҳорати ҳунармандон баҳогузорӣ намуда, беҳтаринҳоро аз рӯйи шартҳои пешниҳодшуда интихоб менамоянд. Ҷамъбасти Фестивал худи ҳамон рӯз сурат мегирад. Барои иштирок дар Фестивал ҳунармандон, дӯзандагон, устоҳо, коллективҳои эҷодӣ, марказҳои эҷодиёти бадеии халқ, рассомон, дизайнерҳо, тарроҳон, муассисаҳои фарҳангӣ ва омӯзгорони тахассусҳои эҷодии мактабу коллеҷҳо, муассисаҳои олии касбӣ, тоҷирону соҳибкорон, санъатшиносон, олимон, мутахассисони бахши санъати ороишӣ-амалӣ ва ҳунарҳои мардумӣ даъват мешаванд. 
Гуфта мешавад, ки дар рафти Фестивал-озмун бунёди гӯшаҳои «Маърифат» ва «Сулҳу Ваҳдат», намоиш ва фурӯши маҳсулоти ҳунармандон, барномаҳои бахши санъат (рақси чакан, суруд дар васфи чакан) намоиши маросимҳои суннатӣ, фолклор ва ғайра) дар назар аст. 
Мукофоти Фестивал-озмун Шоҳҷоиза буда, унвонҳои Лауреати Фестивал, Устои халқӣ, Дӯзандаи беҳтарин, Нақши беҳтарин, Беҳтарин либоси кӯдакона, Беҳтарин либоси саҳнавӣба ғолибон дода мешаванд. Ҳар як иштирокчии Фестивал соҳиби сертификат хоҳад шуд.

 

Август 7, 2015 10:28

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд