Футбол: «Истиқлол» «Паҳанг»-ро бо ҳисоби бузург шикаст дод
Душанбе, 27.08.2015. (АМИТ «Ховар»). — Дастаи футболи Душанбе «Истиқлол» дар бозии аввали чорякниҳоии Ҷоми АФК-2015 «Паҳанг»-и Малайзияро бо ҳисоби 4:0 шикаст дод. Сабқат, ки дирӯз дар ҳузури 15 ҳазор тамошобин дар варзишгоҳи марказии шаҳри Душанбе баргузор гардид, ба фоидаи қаҳрамони секаратаи Тоҷикистон анҷом ёфт.
Беҳтарин бозингари ин сабқат капитани душанбегиҳо Дилшод Восеив гардид, ки ду маротиба тубро вориди дарвозаи «Паҳанг» кард. Ғалабаи бузург ба даст оварда, дастпарварони Мубин Эргашев натиҷаи хубе пеш аз сабқати ҷавобӣ нишон доданд. Сабқати ҷавобӣ 16- сентябр дар шаҳри Куантани Малайзия баргузор мегардад.
Мавриди зикр аст, ки дар сурати баромадан ба даври ниманиҳоӣ рақиби «Истиқлол» дар ин марҳилаи Ҷоми АФК ғолиби ҷуфти 1/4 ниҳоии ФК «Кувайт» — «Китчи» (Ҳонконг) хоҳад гардид. Дар сабқати аввал, дастаи Кувайт бо ҳисоби 6:0 бар дастаи Ҳонконг пирӯз шуд.
Имрӯз дар водиҳои Тоҷикистон ҳаво 22 дараҷа гарм мешавад
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
