Харобаҳои сел бартараф мешаванд

Ванҷ 12.08.2015 (АМИТ «Ховар» Файз Мирҳасан).-Бунеёди хонаҳои истиқоматӣ барои хонаводаҳои аз сел осебдидаи ноҳияи Ванҷ дар мавзеҳои Дашти Бовуд ва Сурхсангов идома дорад. Бо қарори раиси ноҳия барои ҳар яки ин ойлаҳо хонаҷой ва замини наздиҳавлигӣ ҷудо гардида, бо кумаки агентии захираҳои моддии назди ҳукумати ҷумҳурӣ ба ин мавзеъ масолеҳи бинокорӣ расонида шуд. 
Ёдовар мешавем, ки дар натиҷаи фаромадани  селоб 8 хона дар деҳаҳои  Рохарв  ва Пшихарв пурра ва   12-хонаи дигар  қисман хароб гардиданд.  Дар баробари ин аз  73  шабакаҳои обрасонӣ  25 тояш  аз истифода баромада, бештар аз  100 гектар заминҳои кишт  бе об монданд.  Сел хати  обгузари маркази ноҳияи Ванҷро низ зер карда, сокинонро аз оби пок маҳрум кард. Барқарорсозии каналу ҷуйборҳои  вайронгашта,  хатти интиқоли  оби ошомиданӣ низ идома дорад. Маблағи умумии хисорот  21 миллиону 933 сомониро  ташкил медиҳад.