Хуҷанд: бунёди 20 иншооти варзишӣ дар соли ҷорӣ

Суғд, 11.08.2015 (АМИТ “Ховар”, Абдуаҳад Шарифзода).- Бахшида ба рӯзи варзишгарон дирӯз дар Қасри фарҳангии шаҳр Хуҷанд бо иштироки собиқадорони соҳаи варзиш ва ҷавонони фаъоли шаҳр маҷлиси тантанавӣ доир гардид. 
Тавре шаҳрдории Хуҷанд баён дошт, баҳри солимии ҷомеъа ва хосатан ҷалби бештари аҳолӣ,  аз ҷумла наврасону ҷавонон ба варзиш  дар маркази вилоят аз ҷониби мақомоти давлатию ҷамъиятӣ ва соҳибкорони маҳаллӣ  беш аз 200 иншооти варзишӣ сохта ба истифода дода шуд, ки соли ҷорӣ низ ин иқдом идома хоҳад ёфт.  
Аз ҷумла тибқи нақша соли ҷорӣ дар шаҳр 20 адад майдончаҳои варзишӣ ба нақша гирифта шудааст, ки  то ин дам 9 тои он алъон мавриди истифода қарор гирифтаанд.
Р.Аҳмадзода аз дастовардҳои варзишгарони шаҳрёдрас шуда, зикр намуд, ки варзишгарони Хуҷанд дар мусобиқаҳои сатҳи ҷаҳонӣ, байналмилаливу ҷумҳуриявӣ, вилоятӣ ва шаҳрӣ иштирок намуда, ба гирифтани 1190 адад медал, аз ҷумла 458 медали тилло, 306 медали нуқра ва 426 медали биринҷӣ ноил гаштанд.