Иқдоми ҲХДТ-«Мактаб-даргоҳи маърифат»
Душанбе, 17.08.2015. (АМИТ «Ховар»). — Бо ибтикори Дастгоҳи Кумитаи иҷроияи марказии Ҳизби Халқии Демократии Тоҷикистон ва ташкилоти ҷамъиятии ҷавонон «Созандагони Ватан» ба муносибати оғози Соли нави хониш иқдоми «Мактаб-даргоҳи маърифат» роҳандозӣ мешавад.
Дар заминаи иқдоми мазкур ҳамаи комиҷроияҳои ҳизбии вилоятҳо, шаҳру навоҳӣ, намояндагиҳои ТҶҶ «Созандагони Ватан» вазифадор шудаанд, ки бо ҷалби васеи масъулину фаъолони ҳизбӣ ва аъзоёну ихтиёриёни ташкилоти «Созандагон» корҳои таблиғотиро оид ба таълиму тарбия, баланд бардоштани маърифати насли ҷавон, сафарбар кардани наврасон ба донишомўзӣ ва ғайра вусъат бахшанд.
Ташаббуси мазкур тибқи нақшаи фаъолияти Дастгоҳи КИМ ҲХДТ ва дастурҳои Президенти кишвар муҳтарам Эмомалӣ Раҳмон дар мавриди рушди маърифати ҷавонон ва дар сатҳи баланди маънавӣ истиқбол гирифтани Соли нави хониши 2015-2016 амалӣ гардонда мешавад.
Чунон ки аз дафтари матбуоти Ҳизби Халқии Демократии Тоҷикистон ба АМИТ «Ховар» иттилоъ доданд, дар зимни иқдоми мазкур, ки аз 15 август то 1 сентябри соли равон идома меёбад, комиҷроияҳои ҳизбии вилоятҳо ва шаҳру навоҳии ҷумҳурӣ аз ҳисоби маблағҳои худӣ ва кумаки молии соҳибкорон-фаъолони ҲХДТ барои талабаҳои эҳтиёҷманд ва кўдаконе, ки бори аввал ба мактаб мераванд, асбобу анҷоми таълимӣ ва сарулибоси мактабӣ тақдим мекунанд.
Дар доираи татбиқи ин ташаббус бештар ба масъалаи ҷалби хонандагон дар деҳоти навоҳии куҳистон ба зинаи сеюми таҳсилот (синфҳои 10-11) равона шуда, навгониҳои бахши мактабу маориф шарҳу эзоҳ дода мешавад.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
