Иқдоми нави «Созандагони Ватан»

Август 6, 2015 06:33

Душанбе, 06.08.2015 (АМИТ «Ховар»).- Ташкилоти ҷамъиятии ҷавонон «Созандагони Ватан» -и назди Ҳизби Халқии Демократии Тоҷикистон тасмим гирифтааст, ки бахшида ба Рўзи байналмилалии ҷавонон  12 августи соли 2015 дар мавзўи «Омилҳои гаравидани ҷавонон ба гуруҳҳои ифротӣ ва роҳҳои пешгирӣ аз он» дар шаҳри Душанбе «Мизи мудаввар» баргузор намояд.
Ба ин муносибат мақомоти ТҶҶ «Созандагони Ватан» аз хоҳишмандоне, ки ба омӯзиши масъалаҳои ҷавонон машғуланд ва нияти ширкат дар чорабинии мазкурро доранд, даъват намудааст, ки маърӯзаҳои худро ба комиссияи ташкилӣ пешниҳод намоянд.
Дар ин маврид сухангўи ҲХДТ Усмон Солеҳ ба мухбири «Ховар» хабар дода, афзуд, ки дар асоси нақшаи тасдиқгардида баргузории чунин «Мизҳои мудаввар» дар минтақаҳои ҷумҳурӣ, аз ҷумла дар шаҳру навоҳии кишвар, вилоятҳои Хатлону Суғд дар назар дошта шудааст. Дар доираи чорабинии мазкур муовини Раиси Ҳизби Халқии Демократии Тоҷикистон Раънохон Бобоҷониён ва раиси Ташкилоти ҷамъиятии ҷавонон «Созандагони Ватан» А. Раҳмонзода низ бо намояндагони ҷавонони Тоҷикистон бо ширкати олимону донишмандон, ҷомеаи шаҳрвандӣ, кормандони мақомоти ҳифзи ҳуқуқ мулоқоту вохўриҳо доир менамоянд.
Бояд тазаккур дод, ки маърӯзаҳои беҳтарин дар барномаи «Мизи мудаввар» ҷой дода шуда, дар шакли маҷмуа ба нашр расонида мешавад.

 

Август 6, 2015 06:33

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд