Маҳви беш аз 110 ҷангии «Толибон» дар Ҳилманд

Август 28, 2015 13:50

Душанбе, 28.08.2015. (АМИТ «Ховар»). — Дар натиҷаи як қатор амалиёти низомӣ дар ҳудуди музофоти Ҳилманди Афғонистон, ки рӯзи чоршанбе дар ноҳияи Мусоқалъа оғоз шуда буд, зиёда аз 110 ҷангии гурӯҳи ифротии «Толибон» маҳв карда шуд. 
Тавре агентии иттилоотии «Пажвок» бо такя ба намояндагони фармондеҳии низомии маҳаллӣ хабар медиҳад, поксозӣ дар минтақаҳои гуногуни ноҳия бо иштироки нерӯҳои ҳавоии Афғонистон ва хориҷӣ сурат гирифт. Қумандонҳои ифротгаро-мулло Абдуррозиқ, мулло Носир, мулло Инқилобӣ ва мулло Рауф аз ҷумлаи ҷангиёни маҳвгардидаи «Толибон» мебошанд.
Ёдовар мешавем, ки чанд рӯз пеш қисми зиёди ин ноҳия, аз ҷумла маркази маъмурии он аз ҷониби ҷангиён муҳосира шуда буд. Ҳоло нерӯҳои Афғонистон бо дастгириии СААШ (НАТО) амалиёти барқарорсозии назорат дар ин минтақаро давом медиҳанд.
Як амалиёти густурдаи дигар дар шимоли ин кишвар, дар музофоти Сари-Пул бо роҳбарии генерал Абдуррашид Дӯстум идома дорад. Ба нерӯҳои Афғонистон муяссар шуд, ки ноҳияи Куҳистонакро бидуни тиркушоӣ аз тасарруфи  «Толибон» озод кунанд. 

 

Август 28, 2015 13:50

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид