Муфтӣ ба ҳоҷиён: Дар ҳаққи худ, ҷомеа ва Ватан дуогӯ бошед
Душанбе, 29.08.2015 (АМИТ «Ховар»).-Аввалин гурӯҳи ҳоҷиёни Тоҷикистон 29-уми август аз Душанбе ба самти Мадинаи мунаввара сафар намуданд. Ин гурӯҳи ҳоҷиёнро ширкати ватании “Сомон-эйр” интиқол намуд. Дар расми хайрухуш бо аввалин гурӯҳи зоирон Раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Сулаймон Давлатзода ва Раиси Шӯрои уламои Маркази исломии Ҷумҳурии Тоҷикистон Саидмукаррам Абдуқодирзода иштирок намуда, ҳоҷиёнро ба ин муносибат муборакбод гуфтанд.
Аз ҷумла, Раиси Кумита Сулаймон Давлатзода иброз дошт, ки маҳз бо шарофати пойдории сулҳу субот дар ҷомеаи кишвар ва дастгириҳои пайвастаи Президенти мамлакат муҳтарам Эмомалӣ Раҳмон имрӯз шаҳрвандони Тоҷикистон дар радифи соири мусулмонони дунё рукни панҷуми исломро бемамониат адо менамоянд ва эшон бояд дар мавсими ҳаҷи имсола бо рафтору одоби накӯ ва таҳаммулпазирии хосси тоҷикона Тоҷикистонро миёни дигар кишварҳои мусулмонӣ муаррифӣ намоянд.
Раиси Шӯрои уламои Маркази исломии Ҷумҳурии Тоҷикистон Саидмукаррам Абдуқодирзода дар хусуси бархе аз фароизи маносики ҳаҷ сухан гуфта, аз зоирон даъват намуд, то дар сарзамини ваҳй дар ҳаққи худ, ҷомеа ва Ватан дуогӯ бошанд.
Гурӯҳи аввали зоирон пас аз панҷ соати парвоз бо муваффақият ба Мадинаи мунаввара расида, хуш истиқбол ёфтаву дар меҳмонхонаҳои дорои шароити хеле хуб ҷойгир шудаанд.
Дар ин бора Афшини Муқим, сухангӯи Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон иттилоъ дод.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
