Мулоқоти ошкоро бо занони фаъоли минтақаи Кӯлоб

Август 21, 2015 12:50

Душанбе, 21.08.2015 (АМИТ «Ховар», Фарзонаи Давлат).-Дар доираи як сафари корӣ ба шаҳри Кӯлоб Аҳтам Абдуллозода, раиси Кумитаи ҷавонон, варзиш ва сайёҳӣ, Махфират Хидирзода, раиси Кумитаи кор бо занон ва оила ва Сулаймон Давлатзода, раиси Кумитаи оид ба корҳои дин, танзими анъана ва ҷашну маросимҳо дар толори маҷлисгоҳи мақомоти иҷроияи ҳокимияти давлатии шаҳри Кӯлоб бо доираи васеи занони фаъоли шаҳр суҳбати озоду ошкоро анҷом доданд. 
Наврӯз Қурбонов,мутахассиси пешбари бахши таҳлил ва иттилооти Кумитаи ҷавонон, варзиш ва сайёҳӣ хабар дод, ки дар ин вохӯрӣ масъулини Кумитаҳо зимни  сӯҳбаташон нақши занону модаронро дар пешрафти ҷомеа муҳим арзёбӣ карда, таъкид доштанд, ки таълиму тарбияи фарзанд, солим ва дар руҳияи худшиносиву худогоҳӣ ба воя расонидани насли наврас ва ҷавонон аз занони фаъол вобастагии калон дорад. 
Дар ин робита онҳо аз модарон даъват ба амал оварданд, ки дар тарбияи фарзандон бетаваҷҷуҳ набошанд ва барои пешгирии онҳо аз гаравидан ба гуруҳҳои   тундрав тадбирҳои заруриро андешанд.
Зимни мулоқот таъкид гардид, ки барои ҳалли мушкилоти дар ҷомеа пайдо гардида, бояд тамоми ҷомеаи шаҳрвандӣ дар якҷоягӣ талош варзанд.  
Дар охир суолу ҷавоби занон бо раисони Кумитаҳои мазкур сурат гирифт ва занони фаъол таклифу пешниҳодҳои ҷолиби худро тариқи хаттӣ ва шифоҳӣ ба самъи масъулин расониданд. 

Август 21, 2015 12:50

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд