Нашри маҷмӯаи мақолаҳо дар бораи ифротгароии салафӣ

Душанбе, 28.08.2015. (АМИТ «Ховар»). — Маҷмӯи «Мақолаҳо дар бораи ифротгароии салафӣ» дар таҳияи Маркази исломшиносӣ дар назди Президенти Ҷумҳурии Тоҷикистон дар нашриёти «Дониш»-и Академияи илмҳои Тоҷикистон бо тиражи 500 нусха дар ҳаҷми 218 саҳифа ба табъ расид. 
Тавре аз Маркази исломшиносӣ дар назди Президенти ҶТ ба АМИТ «Ховар» иттилоъ доданд, дар ин маҷмӯа асосан мақолаҳое ҷой дода шудаанд, ки ҳангоми баргузории Конференсияи ҷумҳуриявии илмӣ-амалии «Ифрот¬га¬роии салафӣ: масъалаҳои давлатдо¬рии дунявӣ ва ҳиф¬зи ҳувияти миллӣ» (ш. Душанбе, 27 майи соли 2015) пешниҳод гардида буданд. Ҷанбବҳои мухталифи пайдоиш ва паҳншавии ҳаракати салафия, тобишҳои сиёсии он дар замо¬ни муосир, заминаҳои ихтилофи фиқҳӣ ва эътиқодии он бо мазҳабҳои маъмул дар киш¬вар-ҳои исломӣ, ҷустуҷӯи роҳҳои назариявию амалии бартараф кардани зуҳуроти бегонаи иф¬ротгароӣ ва пешгирии густариши он дар фазои сиёсӣ-иҷтимоӣ ва фарҳанги динии Ҷум¬ҳурии Тоҷикистон андаруни 19 мақолаи илмӣ мавриди таҳлилу баррасии ҳамаҷониба қарор гириф¬таанд. 
Маркази исломшиносӣ дар назди Президенти Ҷумҳурии Тоҷикистон изҳори умедворӣ кардааст, ки маводи ин китоб барои муҳақкиқони бахшҳои диншиносӣ, шарқ¬¬ши¬носӣ, сиёсатшиносӣ, таъриху адабиёт ва оммаи васеи хонандагон муфид хоҳад буд.