Оғози машқҳои махсуси тактикии “Гром-2015” дар Тоҷикистон

Август 27, 2015 09:56

Душанбе, 26.08.2015 (АМИТ «Ховар»).-Имрӯз, 27-уми август дар машқгоҳи Вазорати мудофиаи ҶТ “Фахробод” намоиши машқҳои махсуси тактикии “Гром-2015”  оғоз гардид, ки дар он  ҷузъу томҳои таъиноти махсуси идораҳо ва хадамоти зидимухаддиротӣ, қӯшунҳои дохилӣ, мақомоти корҳои дохилӣ ва амнияти кишварҳои аъзои Созмони Аҳдномаи Амнияти дастаҷамъӣ, ки ба ҳайати қувваҳои таъиноти махсус дохил мешаванд, иштирок доштанд. 
Дар  ин маросим муовини Котиби генералии СААД  Аманҷон Жанкулиев, Директори Хадамоти Федералии Федератсияи Россия оид ба назорати муомилоти маводи нашъаовар (ХФНММН Россия) Виктор Иванов, Раиси Хадамоти давлатии назорати маводи нашъаовари назди Ҳукумати Ҷумҳурии Қирғизистон Рафик Мамбеталиев, Директори АНМН назди Президенти ҶТ  Назарзода Рустам , намояндагони Шӯрои амнияти ҶТ, роҳбарияти мақомоти ҳифзи ҳуқуқ ва сохторҳои қудратии Тоҷикистон, сафирон ва атташеҳои ҳарбии кишварҳои хориҷӣ, ки дар Тоҷикистон сукунат доранд, иштирок доштанд.
Машқҳои махсуси тактикӣ дар ду марҳила, бо иштироки намояндагони Ҷумҳуриҳои Арманистон, Белорус, Қазоқистон, Қирғизистон, Федератсияи Россия ва Ҷумҳурии Тоҷикистон , то 3-юми сентябри соли равон дар ноҳияҳои сарҳадии Тоҷикистон идома меёбанд. 
 Машқҳо бо мақсади гузаронидани чорабиниҳои муштарак бо ҳадафи бастани роҳҳои интиқоли қочоқи маводи нашъаовар ва фаъолияти гурӯҳҳои ҷиноятпеша дар минтақаи наздисарҳадии Ҷумҳурии Тоҷикистон, баланд бардоштани малакаи касбии кормандони таъиноти махсус, ҳангоми гузаронидани чорабиниҳои кофтуковӣ, ҳамоҳанг сохтани мақомоти идоракунӣ ҳангоми гузаронидани чорабиниҳои муштарак гузаронида мешавад.

Август 27, 2015 09:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд