Омилҳои гаравиши ҷавонон ба созмонҳо ва гуруҳҳои ифротгаро

Душанбе,  17.08.2015 (АМИТ «Ховар», Рафоати Абдулҳамид).- Омилҳои гаравиши ҷавонон ба созмонҳо ва гурӯҳҳои ифротгаро дар нишасти муштараки созмони ҷавонони Созандагони Ватан ва кормандони  Китобхонаи миллии Тоҷикистон мавриди баҳсу баррасӣ қарор гирифт.
Иштирочиён «Давлати исломӣ»-и Ироқу Шом  ва таъсири онро  ба ифротгароӣ дар Осиёи Марказӣ омили хатар дониста, иброз доштаанд, ки ин ҳаргиз як тарҳи нав набуда, нақшаи хеле қадимист, ки қудратҳои ҷаҳонӣ барои тақсимбандии нави ҷаҳонӣ ва бахусус минтақа кашидаанд. 
Инчунин дар нишаст моҳият, сабабҳои авҷёбӣ  ва роҳҳои пешгирии терроризм ва экстремизм низ баррасӣ шуда, зикр гардид, ки таҳкими чораҳои пешгирӣ аз ифротишавии ҷавонон як барномаи дурустест, ки ҳоло Ҳукумати кишвар роҳандозӣ кардааст.