Омодагии муассисаҳои соҳаи маориф ба соли хониш

Душанбе, 22.08.2015. (АМИТ «Ховар», Раъно Нусратуллозода).- Бо мақсади дар сатҳи баланд пешвоз гирифтани оғози соли нави таҳсили 2015-2016, Рӯзи Дониш, 24-солагии Истиқлолияти давлатии Ҷумҳурии Тоҷикистон, 700-солагии Мир Сайид Алии Ҳамадонӣ ва 3000-солагии Ҳисор имрӯз дар Вазорати маориф ва илми ҷумҳурӣ ва тамоми муассисаҳои тобеи он ҳашари умумиҷумҳуривӣ доир гардид. 
Кормандони вазорат ва муассисаҳо корҳои ободониву бунёдкорӣ, кабудизор намудани гирду атрофи муассисаҳо, бо гулҳо оро додани хиёбону гулгаштҳо, таъмиру тармимро дар биноҳо ва гирду атрофи он анҷом доданд.
 Бояд гуфт, ки чунин шанбегӣ рӯзҳои 23, 29 ва 30 августи соли равон низ доир карда мешаванд.