Пирӯзии «Равшан», ССКА ва «Регар» дар ¼ финалии Ҷоми Тоҷикистон

Душанбе 21.08.2015,(АМИТ «Ховар» Меҳрони  Қурбон). — Шоми дирӯз бозиҳои аввали чаҳорякниҳоии Ҷоми Тоҷикистон  оид ба футбол баргузор  шуданд.
Дастаи «Равшан»-и  Кулоб дар майдони худ  дастаи  «Вахш»-и Қӯрғонтеппаро  бо  ҳисоби  2:1  шикаст  дод. Дастаи  ССКА «Помир» бар дастаи меҳмон -«Барқи тоҷик»-и Душанбе — бо ҳисоби 3:2 ғалаба кард. Дастаи  «Регар-ТадАЗ» дар майдони худ бар дастаи лигаи аввал — «Саройкамар»-и  ноҳияи  Панҷ — бо ҳисоби 3:0 пирӯз гашт.
Бозиҳои ҷавобии  чаҳорякниҳоии  Ҷоми  Тоҷикистон  рӯзи сешанбе, 25 август, соати 16:30 шурӯъ мешаванд.
Ёдовар  мешавем, ки  аввалин шуда ба даври ниманиҳоии Ҷоми Тоҷикистон дастаи “Истиқлол”-и  Душанбе  роҳ  ёфтааст. Дастаи “Истиқлол” аз рӯи натоиҷи ду бозии чаҳорякниҳоӣ бо дастаи “Хуҷанд”-и   Хуҷанд   (6:1   ва  0:0)   ба   нимфинал   баромад.