Ранҷи деҳқон – ганҷи кишвар

Август 13, 2015 10:37

Душанбе, 13.08.2015. (АМИТ «Ховар»).-Дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон чунин таъкид гардидааст: «Нақш ва саҳми соҳаи кишоварзӣ дар таъмини амнияти озуқавории мамлакат, рушди соҳаҳои саноат, афзоиши имконияти содиротии кишвар ва таъсиси ҷойҳои нави корӣ бисёр муассир мебошад». 
Сокинони кишвар, бахусус деҳқонон моҳияти ин таъкиди Сарвари давлатро хеле дуруст дарк намуда, баҳри истифодаи самараноки ҳар як ваҷаб замин пайваста ҷаҳд ва талош меварзанд. Натиҷаи ҳамин аст, ки сол то сол вазъи коркард ва истифодабарии заминҳои кишоварзӣ, ба кор даровардани заминҳои киштбоби бекорхобида беҳтар гардида, бозори истеъмолии сокинони кишвар аз истеҳсоли маҳсулоти деҳқонии ватанӣ торафт ғанитар мегардад.
Деҳқонон ва боғдорони ноҳияи Файзобод ва шаҳри Роғун дастуру ҳидоятҳои Сарвари давлат ва ҳар як супориши Ҳукумати ҷумҳуриро баҳри самаранок истифода бурдани замин ва аз он рўёнидани ҳосили дилхоҳи зироат дар амал татбиқ намуда, ба он муваффақ гардидаанд, ки натиҷаҳои дилхоҳ ба даст оваранд. Бахусус заҳмати деҳқонону иҷоракорони ноҳияи Файзобод қобили таҳсин аст. Онҳо аз парвариши помидору бодиринг, қаланфури булғориву пиёз ва навъҳои гуногуни сабзавот, ки ба ҳама талаботи агротехникӣ ҷавобгӯянд, ҳосили дилхоҳ ба бор овардаанд. 
Дар доманакӯҳҳо ва мавзеъҳои солҳо бекорхобидаи ҳудуди шаҳри Роғун фаъолияти деҳқонону иҷоракорон қобили таҳсин аст. Киштзори картошкаю пиёз, лубиёву каду ва дигар зироатҳои сокини деҳаи Қалъаи нав Нурулло Тоҳиров ва боғи навбунёди себу нок ва гелоси Сунатулло Азизов, ки дар минтақаи талу теппа ва ҷои ноободу киштнашуда бунёд гардидааст, ҳосили хуб доданд. 

Август 13, 2015 10:37

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд