Семинари корӣ дар хоҷагии ёрирасони Вазорати корҳои дохилӣ

Август 18, 2015 12:16

Душанбе, 18.08.2015 (АМИТ «Ховар»,),-Имрӯз бо иштироки роҳбарияти мақомоти ҳифзи ҳуқуқи кишвар дар бошишгоҳи саҳроии Муассисаи давлатии хоҷагии ёрирасони Раёсати қӯшунҳои дохилии Вазорати корҳои дохилии Тоҷикистон семинари корӣ баргузор гардид, ки дар кори он масъалаҳои сохтмони ғайриқонунии манзили истиқоматӣ, азхудкунии ғайриқонунии замин ва дигар мавзӯъҳои марбут ба ин, мавриди баррасӣ қарор дода шуданд.
Дар кори семинар вазири корҳои дохилӣ Рамазон Раҳимзода, Прокурори генералии Тоҷикистон Юсуф Раҳмон, раиси Кумитаи давлатии амнияти миллӣ Саймумин Ятимов, раиси Агентии назорати давлатии молиявӣ ва мубориза бо коррупсия Рустами Эмомалӣ, директори Агентии назорати маводи нашъадори назди Президенти Ҷумҳурии Тоҷикистон Назарзода Рустам, инчунин роҳбарияти Вазорати мудофиаи Ҷумҳурии Тоҷикистон иштирок доштанд. 
Зимни баргузории семинар онҳо ҳамчунин аз рафти корҳои саҳроии хоҷагии ёрирасон ва шароити фаъолияту маишии сарбозони дар корҳои хоҷагӣ вобастабуда шинос гардиданд.
Дар рафти боздид масъулин барои хизмати софдилона ва зоҳир намудани маҳорату малакаи касбӣ дар корҳои сохтмонию саҳроӣ баҳри ободонии Муассисаи давлатии хоҷагии ёрирасони Раёсати қӯшунҳои дохилии ВКД як қатор сарбозони қӯшунҳои дохилӣ бо «Раҳматнома», нишони сарисинагии «20-солагии Қӯшунҳои дохилии ВКД ҶТ», тӯҳфаҳои хотиравӣ мукофотонида шуданд.
Ёдрас мешавем, ки Муассисаи давлатии хоҷагии ёрирасони Раёсати қӯшунҳои дохилии ВКД наздик ба 50 гектар замин дошта, дар он кишоварзӣ, чорводорӣ ва занбурпарварӣ ба роҳ монда шуда, ҳайати шахсии қисмҳои низомии Раёсати қӯшунҳои дохилӣ,  воҳидҳои таъиноти махсус, Раёсати тиббӣ ва Акдемияи Вазорати корҳои дохилиро бо маҳсулотҳои тару тоза таъмин менамоянд.

 

Август 18, 2015 12:16

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд