Семинари омўзишӣ дар мавзўи «Истифодаи ҳамгироёнаи об»

Август 22, 2015 06:05

Душанбе,  22.08.2015 (АМИТ «Ховар», Рафоати Абдулҳамид).- Дар  маҷлигоҳи шуъбаи ҳифзи муҳити зисти шаҳри Турсунзода семинари омўзишӣ дар мавзўи «Истифодаи ҳамгироёнаи об» баргузор гардид. 
Чорабиниро намояндаи Барномаи ҳифзи муҳити зисти Бюрои Созмони Амнияти Ҳамкории Аврупо дар Тоҷикистон Фирўза Ҳоҷиева оғоз намуда, мундариҷа ва ҳадафи амалишавии Конвенсияи Созмони Милали Муттаҳид оид ба дастрасии маълумот, иштироки ҷомеа дар раванди қабули қарорҳо ва дастрас будани адолати судӣ вобаста ба масъалаҳои муҳити зист, аз ҷумла таъминоти аҳолӣ бо оби нўшокиро ба самъи иштирокдорон расонид. 
    Сипас, мувофиқи тартиби кори семинар сардори Маркази захиравии орхус дар Душанбе Сулҳия Содиқова дар мавзўи «Натиҷаҳои татбиқи 10- солаи байналмилалии амалиёти «Об- барои ҳаёт», солҳои 2005- 2015; сармутахассиси шуъбаи назорати давлатии истифода ва ҳифзи захираҳои оби Кумитаи ҳифзи муҳити зисти назди Ҳукумати Ҷумҳурии Тоҷикистон Зулайхо Мисоқова дар мавзўи «Ҳифзи захираҳои об ва истифодаи ҳамгироёнаи он»; сардабири нашрияи соҳавии «Инсон ва табиат» Ҷамолиддин Ёқубов дар мавзўи «Инъикоси проблемаҳои марбут ба об дар воситаҳои ахбори омма»; корманди шуъбаи ҳифзи муҳити зисти шаҳри Турсунзода Мунаввара Саидова дар мавзўи «Истифода ва ҳифзи захираҳои об дар шаҳри Турсунзода»; корманди Кумитаи ҳифзи муҳити зист Тимур Назаров дар мавзўи «Мақоми ҷамоатчигӣ дар беҳтаркунии истифодаи об ва иштирок дар раванди қабули қарорҳо» суханронӣ  намуданд. 
    

Август 22, 2015 06:05

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд