Шаҳринав: Модарон зидди ифротгароӣ

Шаҳринав,  17.08.2015 (АМИТ «Ховар», Рафоати Абдулҳамид).-   Дар ноҳияи Шаҳринав бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон бо истиқоматкунандагони ҷамоатҳои  Чуст ва Истиқлол оид ба масъалаҳои ҳалталаби ҷомеа, аз қабили пешгирии шомилшавии занон, духтарон ва ҷавонон ба ҳар гуна ҳизбу ҳаракатҳои ифротгаро  террористӣ, пешгирии ҷинояткорӣ миёни занону духтарон ва ҷавонону наврасон оид ба нигоҳ доштани фарҳанги миллӣ вохӯрӣ баргузор гардид. 
Дар ин вохӯрӣ занону модарон ва ҷавонон иштирок карда, фикру ақидаҳои хешро оид ба оқибатҳои шомилшавии ҷавонон ба гурӯҳҳои ифротгаро ва пошхӯрии оилаҳои ҷавон баён намуданд. Дар фарҷоми вохӯрӣ ба иштирокчиён маводи иттилоотӣ  зери унвони “Мо модарон зидди ифротгароӣ” тақсим карда шуд. 
Ёдовар мешавем, ки аз ноҳияи Шаҳринав то ба имрӯз 4 нафар бо оилаҳояшон ба давлати Сурия рафтаанд, ки 2 оилааш аз ҷамоати Чуст мебошад.