«Шашмақом шоҳкории халқи тоҷик: вазъ ва рушди минбаъда»

Август 10, 2015 12:12

Душанбе, 10.08.2015. (АМИТ «Ховар»). — 12 августи соли равон дар толори Вазорати фарҳанги мамлакат мизи муддавар таҳти унвон  «Шашмақом ҳамчун шоҳкории халқи тоҷик: вазъ ва рушди минбаъда» баргузор мегардад. 
Тавре ки ба АМИТ «Ховар» иттиллоъ дода шуд, ҳадаф аз нишасти илмӣ, ки бо ибтикори Вазорати фарҳанг доир мегардад, таҳлили вазъ ва дурнамои яке аз шоҳкории халқи тоҷик — санъати Шашмақом буда, муҳтавои он асосан ба дарки моҳияти иҷтимоӣ ва дурнамои санъати Шашмақом, муайянсозии самту омилҳои асосии рушду нумӯъи он нигаронида шудааст. 
Дар ин чорабинии илмӣ рӯнамоии лоиҳаи Барномаи давлатӣ «Оид ба рушди дурнамои санъати  Шашмақому Фалак ва мактаби суннатии устод-шогирд дар Ҷумҳурии Тоҷикистон барои солҳои 2016-2020», баргузор шуда масъалаи дуруст ба роҳ мондани системаи таълимии мактаби «Устод-шогирд»  бо сабк ва услуби анъанавӣ ва фанҳои махсуси таълимии мусиқӣ дар раванди омӯзиши мусиқии анъанавии Шашмақом баррасӣ мегарданд. 
    Иттилоъ дода шуд, ки вобаста ба таҳияи «Луғатномаи истилоҳоти Шашмақом», такмили «Донишномаи Шашмақом» бо дарназардошти истилоҳоти нав, инчунин ҷиҳати омоданамоӣ ва  рўнамоии китоби шашҷилдаи «Шашмақом» корҳои амалӣ оғоз гардидаанд. 

 

Август 10, 2015 12:12

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд