Табобатгоҳи табиат

Ҳисор, 14.08.2015. (АМИТ «Ховар», Ҳотами Шариф).- Ҳам гулу гиёҳҳои шифобахш, ҳам чашмаҳои мусаффои маъданияш, Тоҷикистонро дар тамоми ҷаҳон машҳур кардаст. Чашмаҳои шифобахши Хоҷа оби гарм, Шоҳамбарӣ, Чилучорчашма, Гармчашма, Чашмаи моҳиён, Оби Гарм, Оби шӯрак ва ғайраҳо кайҳо боз марҳами дардмандон аст.  
Дар ҳудуди Тоҷикистон беш аз 200 адад чашмаи шифобахш маҷуд аст, ки на танҳо мавриди таваҷҷуҳи сокинони ҷумҳурӣ, балки диққати ҳазорҳо сайёҳону меҳмонони хориҷиро ба худ ҷалб кардааст.
Яке аз чунин обҳои шифобахш- «Оби шифои хирманак-1» мебошад, ки табиатан дорои 45 дараҷа гармӣ аст. Дар байни мардум ин об бо номи оби хирманаки Ҳисор машҳур аст.
Тибқи иттилои роҳбари ҶДММ «Сангчашма-1» Эгами Назрулло, оби мазкур аз соли 1962 маълуму машҳур аст. Маъмурияти ҶДММ «Сангчашма-1» мақсад доранд, ки дар назди оби шифои «Сангчашма-1» дармонгоҳи нави замонавӣ бунёд намоянд.