Таъмини даромади буҷа 1млн. 400 ҳазор сомонӣ барзиёд

Ёвон, 03.08.2015 (АМИТ «Ховар» Субҳони Маҳмуд). — Мақомоти иҷроияи ҳокимияти давлатии ноҳияи Ёвон нақшаи нимсолаи даромади буҷети маҳаллиро ба андозаи 103,0 фоиз таъмин кард.
Тавре ба хабарнигори АМИТ «Ховар» иттилоъ дода шуд дар ин давра ба ҷои 42 млн. 380 ҳазор сомонӣ ба буҷети маҳаллӣ 43 млн. 830 ҳазор сомонӣ ворид гашт, ки ин нишондод нисбат ба нақша 1 млн. 400 ҳазор сомонӣ ва нисбат ба ҳамин давраи соли гузашта 13 млн. 700 ҳазор сомонӣ зиёд мебошад. Ба соҳаҳои маориф 19 млн. 604 ҳазор сомонӣ, тандурустӣ 6 млн. 208 ҳазор сомонӣ, фарҳанг ва варзиш 629,3 ҳазор сомонӣ, 356,0 ҳазор сомонӣ, хоҷагии манзилию коммуналӣ 502,0 ҳазор сомонӣ маблағгузорӣ шудааст.  
Маблағҳои азхудкардашуда барои таъмини музди меҳнат, ҳаридории маводи таълимӣ, таҷҳизоти тиббӣ, доруворӣ, хӯрокворӣ, гузаронидани мусобиқаҳои варзишӣ ва чорабиниҳои фарҳангӣ сарф шудаанд.