Ташрифи раиси Бонки мардумии Чин ба Тоҷикистон
Душанбе, 29.08.2015. (АМИТ “Ховар”). — Аз 30 август то 2 сентябри соли равон ҳайати гурӯҳи кории Бонки мардумии Чин ба Душанбе ташриф меорад. Ҳангоми сафар ҳайати мазкур масъалаҳои механизми ба роҳ мондани амалиёти СВОП (яъне табдил додани як асъор ба асъори дигар) бо намояндагони Бонки милли Тоҷикистон баррасӣ хоҳад кард.
Илова бар ин, Гурӯҳи кории Бонки мардумии Чин бо мақсади рушди ҳамкории судманд бо низоми бонкии кишвар бо роҳбарони бонкҳои тиҷоратии кишвар вохӯриҳо анҷом хоҳад дод. Ҳамчунин, бо фаъолият ва дастовардҳои меҳнатии ширкатҳои истеҳсолии ватанӣ ва чинӣ дар Тоҷикистон аз наздик ошно мешаванд.
Рӯзҳои 2 — 4 сентябри соли ҷорӣ бошад, ҳайати расмии Бонки мардумии Чин таҳти роҳбарии раиси ин бонк Жоу Сиаочуан ба Душанбе меояд. Дар ҷаҳорҷӯбаи сафари раиси Бонки мардумии Чин дар назар аст, ки Созишномаи СВОП байни Бонки миллии Тоҷикистон ва Бонки мардумии Чин ба имзо расонида мешавад.
Ташрифи раиси Бонки мардумии Чин Жоу Сиаочуан, ки иқтисоди кишвари он аз лиҳози бузургӣ дар ҷаҳон ҷойи дуюмро ишғол менамояд, аз муносибати дӯстонаи кишвари ҳамсоя ва ҳусни таваҷҷуҳи он ба Ҷумҳурии Тоҷикистон шаҳодат медиҳад.
Дар ин бора аз хадамоти матбуоти БМТ ба АМИТ “Ховар” иттилоъ доданд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
