Таъсиси Маркази “Оилаи солим” дар Хуҷанд

Суғд, 13.08.2015 (АМИТ “Ховар”, Абдуаҳад Шарифзода).-Дар маркази вилояти Суғд, шаҳри Хуҷанд  дар назди  хонаи ақди ниқоҳи шаҳрӣ, Маркази “Оилаи солим” таъсис ёфт. 
Ба иттилои сарвари хонаи ақди никоҳи шаҳри Хуҷанд  Хуршеда  Хоҷаева, ҳадаф аз ташкили маркази маскур ин пеш аз ҳама пойдор  ва мустаҳкам намудани оилаҳо, хосатан оилаҳои ҷавон, ташкил ва гузаронидани сӯҳбатҳо дар доираи якдигарфаҳмию садоқати зану шавҳар ва бо ин васила бартараф  намудани низоъҳои оилавӣ мебошад.
Ба гуфти мавсуф, аз ҷониби масъулин вобаста ба ин як қаттор чорабиниҳои муфид бахшида ба  соли оила дар шаҳру ноҳияҳо ва донишкадаҳо гузаронида шуд, ки  мақсади асосии он ин мусоидат намудан ба маърифату фарҳанг, оилаву оиладории ҷавонон пешгирии хушунат дар оила ва  баланд бардоштани савияи дониши ҳуқуқиву маънавиёти навхонадорон буд.