Ҳунарнамоии раққосону дойразанҳои тоҷик дар соҳили Балтика
Душанбе, 13.08.2015.(АМИТ «Ховар», Марзия Саидзода).-Дар доираи баргузории Рӯзҳои фарҳанги Ҷумҳурии Тоҷикистон дар Русия имрӯз дар Театри давлатии «Киноактер»-и Маскав бо иштироки ҳунармандони опера ва мусиқии муосири тоҷик -Миралӣ Достиев, Ҳасан Ҳайдар, Ҳуҷастаи Мирзовалӣ, Фотима Машрабова, Фирдавс Ҳошимов, мутрибони гурӯҳи мусиқӣ таҳти роҳбарии оҳангсози шинохта Амирбеки Мӯсо консерт баргузор мегардад.
Фардо дар шаҳри Калининград ҳунармандони гурӯҳи рақсии «Базморо» ва дастаи дойразанҳои шаҳри Хуҷанд таҳти роҳбарии Хайрулло Дадобоев хотири сокинони шаҳри назди соҳили Балтикаро бо рақс ва садоҳои дилошӯби асбобҳои мусиқии зарбии тоҷикӣ шод мегардонанд. Баромади ҳунармандони тоҷик дар шаҳри Калининград дар ҳошияи Фестивали байналмилалии «Қаламрави сулҳ» /Территория мира/, ки дар саҳнаи Ҷазираи Кант доир мегардад, ҷараён мегирад.
Мавриди зикр аст, ки дирӯз дар толори Филармонияи ба номи Сергей Рахманини шаҳри Маскав маросими ифтитоҳи Рӯзҳои фарҳанги Ҷумҳурии Тоҷикистон дар Русия баргузор гардид.
Дар ҳошияи баргузории Рӯзҳои фарҳанги Ҷумҳурии Тоҷикистон дар Русия намоиши ҳунарҳои мардумӣ, аз қабили либосҳои миллӣ, намоиши аксу мусаввараҳо, ки бозгӯи табиати биҳиштосои Тоҷикистон, дастовардҳои замони истиқлолияти давлатии кишварамон аст, ташкил карда шуд.
Баргузории Рӯзҳои фарҳанги Ҷумҳурии Тоҷикистон дар Русия таблиғи фарҳанги миллии халқамон ва муаррифии он арзёбӣ гардида, дар тавсеаи ҳамкории фарҳангии Тоҷикистону Русия нақши бориз мегузорад.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
