Захираи хўроки чорво

Душанбе, 04.08.2015. (АМИТ «Ховар», Ситораи Боймурод).- Тибқи маълумоти фаврии Раёсати чорводорӣ дар корхонаҳои кишоварзӣ ва хоҷагиҳои деҳқонии ҷумҳурӣ маъракаи захира кардани хўроки чорво муташаккилона идома дорад. 
Тибқи дурнамои Вазорати кишоварзии кишвар имсол дар ҷумҳурӣ бояд ба миқдори 1млн.147,5ҳазор тонна хӯроки дурушти чорво захира карда шавад. То санаи 31.07.2015 дар корхонаҳои чорводории ҷумҳурӣ ба миқдори 865205 тонна хўроки дурушт захира шудааст, ки 75,4 фоизи дурнаморо ташкил медиҳад. Захираи хуроки чорво нисбат баҳамин давраи соли гузашта 26822 тонна зиёд мебошад.
Ба иттилои манбаъ, тибқи дурнамо захираи хӯроки ширадори чорво имсол дар ҷумҳурӣ 102215 тоннаро ташкил хоҳад дод. То санаи 31.07.2015 ба миқдори 5165 тонна хӯроки ширадори чорво захира карда шудааст, ки нисбат ба соли гузашта 652 тонна зиёд аст.