Зан ва ҷомеа

Душанбе,  22.08.2015 (АМИТ «Ховар», Рафоати Абдулҳамид).- Дар  шаҳраки 13 ва 32 ноҳияи Сино вохӯриҳо бо занону ҷавондухтарон ва  сӯҳбатҳои фардӣ бо аъзоёни оилаҳои онҳо доир гардида, барои тоза кардани гирду атрофи биноҳои истиқоматӣ ҳашари ҳамагонӣ ташкил карда шуд.
Зимни сӯҳбат бо мардум  оид ба масъалаҳои ҳалталаби рӯз, аз қабили фаъол будан дар корҳои ҷамъиятӣ, аҳамияти махсус доран ба таълиму тарбияи  фарзандон, ба тақлидкорӣ роҳ надодан ва гароиши  занону ҷавондухтарони мо ба фарҳанги бегона, пешгирии роҳи майли ҷавонон ба ҳар гуна ҳизбу ҳаракатҳои ифротгаро, зоҳир намудани таваҷҷӯҳ ва ғамхорӣ  дар нисбати аъзоёни оила, муносибати хубу ҳамдигарфаҳмӣ, бетарафӣ зоҳир нанамудан оид ба  муноқишаҳои хонаводаги  ва пешгирии  вайроншавии оилаҳои ҷавон ибрози ақида шуд.
Вохӯриҳо бо сокинони  маҳаллаҳои дигари  шаҳр идома доранд.