78 ҷангии толибон дар амалиёти НМА кушта шуд

Душанбе, 16.09.2015. (АМИТ «Ховар»). -Дар натиҷаи амалиёти поксозии неруҳои миллии Афғонистон (НМА), ки  дар чанде аз манотиқи ин кишвар гузаронида шуд, 78 ҷангии толибон маҳв гардид.
Бино ба иттилои хабаргузории «Бохтар», амалиёти безараргардонии силоҳбадастон дар музофотҳои Пактиё, Нангарҳор, Кунар, Лағмон, Хуст, Пактико, Қандаҳор, Урузгон ва Дайкундии Афғонистон гузаронида шуданд. Дар натиҷа 78 ҷангӣ кушта, 42 нафар захмӣ ва 6 тани дигар дастгир шуданд.
Зимни амалиёт миқдори зиёди аслиҳа ва лавозимоти ҷангӣ, ҳамчунин дигар намуди техникаи ҳарбӣ дарёб ва мусодира гардид.