«Адиб» «Сурудҳои мардумии Кӯлоб» -ро нашр намуд
Душанбе, 07.09.2015.(АМИТ «Ховар», Марзия Саидзода).-Дар остонаи ҷашни Истиқлолияти давлатии Ҷумҳурии Тоҷикистон нашриёти «Адиб» китоберо зери унвони «Сурудҳои мардумии Кӯлоб» аз чоп баровард.
Ин китоб ба ифтихори гиромидошти 700-солагии шоир, ориф ва мутафаккири бузурги Шарқ Мир Сайид Алии Ҳамадонӣ ва ҳамчун шаҳри фарҳангӣ унвон гирифтани Кӯлоби бостонӣ дар миқёси Иттиҳоди Давлатҳои Мустақил зери назари Абдуҷаббор Раҳмонзода- академики Академияи илмҳои Ҷумҳурии Тоҷикистон мунташир гардидааст.
Шоирон Давлат Сафар ва Гурез Сафар муратиббони китоби «Сурудҳои мардумии Кӯлоб» буда, шоир Хайрандеш муҳаррираш аст.
Дар китоби «Сурудҳои мардумии Кӯлоб» беҳтарин намунаҳои рӯбоӣ, дубайтӣ ва сурудҳои халқӣ, инчунин сурудҳои шоирони минтақаи Кӯлоб, ки дар ҳавои сурудҳои халқӣ эҷод шудаанд, гирд оварда шудааст.
Дар китоб ҳамзамон расми бонувони ҳунарманду чаканпӯши Кӯлоби бостон инъикос гардидааст.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
