Ҷашни Истиқлолият дар ноҳияи Ҳамадонӣ

 Ҳамадонӣ: 10.09.2015 (АМИТ «Ховар» Сулаймон Холов)- Дар ноҳияи Мир Сайд Алии Ҳамадонӣ сокинон ҷашни 24-солагии Истиқлолияти давлатии Ҷумҳурии Тоҷикистонро бо расонидани кумак ба оилаҳои ниёзманд ва кушодани дастурхони идона барои хизматчиёни ҳарбии қисмҳои низомӣ,  дидбонгоҳҳои сарҳадӣ  оғоз намуданд. Кормандони касбу кори гуногун, муҳассилини муассисаҳои таълимӣ, кормандони соҳаҳои фарҳангу тандурустӣ, иҷтимоӣ ва қисмҳои низомие, ки дар ноҳия мустақаранд, зери савту навои ватандӯстона дар даст парчами кишвар ва шиору овезаҳо  гузашт аз майдони Исмоили Сомонӣ роҳ  сӯи боғи фарҳангию фароғатӣ пеш гирифтанд.
Ҳамчунин дар хиёбону гулгаштҳои ноҳия ва маркази ҷамоъатҳои деҳот чорабиниҳои фарҳангию фароғатӣ ташкил гардида, сайру гашти идона то шом идома ёфт.