Ба муқобили Ватан ва миллати худ силоҳ бардоштан ҷинояти нобахшиданист

Душанбе, 19.09.2015. (АМИТ «Ховар»). — Мутобиқи муқаррароти моддаҳои 14 ва 16-уми Конститутсияи ҶТ ҳуқуқу озодиҳои инсон аз тарафи давлат ҳифз мегарданд. Ҳимояи сохти конститутсионӣ аз вазифаҳои бевоситаи давлат мебошад ва давлат дар ҳолати ба хатар дучор омадани сохти конститутсионӣ, алалхусус бо истифода аз амалҳои террористӣ, ки боиси марги шаҳрвандони ҷумҳурӣ мегардад, вазифадор аст ҳамаи чораҳои заруриро амалӣ кунад.
Аз ин лиҳоз Изҳороти расмии Прокуратураи генералии Ҷумҳурии Тоҷикистон дар бораи оғоз шудани парвандаҳои ҷиноятӣ нисбат ба роҳбарону саркардагон ва аъзои гурӯҳи ғайриқонунии собиқ муовини вазири мудофиа Назарзода Абдуҳалим дар чаҳорчӯбаи вазифаҳои бевоситаи давлат оид ба ҳифзи сохти конситутсионӣ  мебошад.
Мавриди қайд аст, ки силоҳ ба даст гирифта, ба муқобили халқ ва Ватани худ бархостан ҷинояти нобахшиданӣ мебошад.
Абдуҷалилов  А.,  Неъматов  А. — олимони Институти фалсафа, сиёсатшиносӣ ва ҳуқуқи АИ ҶТ