Барқияи табрикии Эмомалӣ Раҳмон ба Серж Саргсян
Душанбе, 21.09.2015. (АМИТ «Ховар»). — Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Арманистон Серж Саргсян барқияи табрикӣ ирсол намуд, ки дар он, аз ҷумла омадааст:
«Муҳтарам Серж Азатович,
Аз номи мардум ва Ҳукумати Ҷумҳурии Тоҷикистон мехоҳам Шумо ва мардуми Ҷумҳурии Арманистонро бо солгарди ҷашни миллии кишвар-Рӯзи истиқлолият табрик гӯям.
Тоҷикистон ба муносиботи шарикӣ бо Арманистон арҷ мегузорад ва мо бо қатъият хоҳони ба таври муназзам рушд додани ҳамкории мутақобила дар тамоми самтҳоем. Муътақидем, ки бо кӯшишҳои муштараки мо ҳамкории мутақобилаи ду кишвар мустаҳкам гардида, бахшҳои нав ба навро фаро мегирад.
Ба Шумо, Серж Азатовичи муҳтарам, таманнои сиҳатии комил ва муваффақиятҳои минбаъдаро намуда, ба мардуми дӯсти Арманистон сулҳ ва шукуфоӣ таманно дорам».
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
