Баргузории машқҳои пагоҳирӯзӣ дар Душанбе

Душанбе, 26.09.2015 (АМИТ «Ховар», Фарзонаи Давлат).- «Варзиш- гарави саломатист!»-таҳти чунин унвон субҳи имрӯз бо иштироки доираи васеи ҷавонону наврасон дар назди Сирки давлатӣ ва Театри опера ва балети ба номи С. Айнии пойтахт чорабинии  дав ва машқҳои пагоҳирӯзӣ доир гардиданд.
Дар чорабинии мазкур донишҷӯёни Коллеҷи омӯзгорӣ, Литсейи хизмат ва туризм, Донишкадаи тарбияи ҷисмонӣ, Мактаби ҷумҳуриявии маҳорати олии варзишӣ оид ба намуди гӯштин ва сокинони пойтахт иштирок доштанд.
Ёдрас мешавем, ки барои ташвиқу тарғиби тарзи ҳаёти солим, оммавӣ гардонидани варзиш миёни ҷавонону наврасон бо ибтикори Кумитаи ҷавонон, варзиш ва сайёҳӣ ҳар рӯзи шанбе дар назди Сирки давлатӣ ва Театри опера ва балети ба номи С.Айнии шахри Душанбе бо иштироки теъдоди зиёди наврасону ҷавонон дав ва машқҳои пагоҳирӯзӣ доир мешаванд. 
Гуфта мешавад, ки машқҳои пагоҳирӯзӣ аз ҷониби сохторҳои кумита дар ҳамаи шаҳру ноҳияҳо бо ҷалби васеи аҳолӣ баргузор мешаванд.