Баррасии ҳамкориҳо дар байни Тоҷикистон ва Кумитаи имдоди имом Хумайнӣ
Душанбе, 01.09.2015 (АМИТ «Ховар»).-Густариши ҳамкориҳо дар самтҳои мухталиф дар байни Тоҷикистон ва Кумитаи имдоди имом Хумайнии Ҷумҳурии Исломии Эрон аз мавзӯъҳои асосии мулоқоти муовини якуми Вазири меҳнат, муҳоҷират ва шуғли аҳолии Ҷумҳурии Тоҷикистон Эмин Сангинзода бо Раиси Кумитаи имдоди имом Хумайнии Ҷумҳурии Исломии Эрон Парвиз Фаттоҳ буд, ки имрӯз баргузор гардид.
Дар мулоқот ҷонибҳо аз ҳамкориҳои дуҷониба изҳори қаноатмандӣ намуданд. Зикр гардид, ки ҳамкориҳо дар асоси Нақшаи чорабинии муштарак барои солҳои 2015-2020 оид ба татбиқи Ёддошти тафоҳум дар бораи ҳамкории Вазорати меҳнат, муҳоҷират ва шуғли аҳолии Ҷумҳурии Тоҷикистон ва Кумитаи имдоди имом Ҳумайнии Ҷумҳурии Исломии Эрон аз сентябри соли 2014 ба роҳ монда шудааст. Ҳамкорӣ асосан масъалаҳои ҷудо намудани қарзҳои бефоиз ба занҳои хонашин ва бекор, оилаҳои муҳоҷирони меҳнатӣ барои роҳандозӣ намудани соҳибкории инфиродӣ; таъсиси марказҳои таълимию истеҳсолӣ ва синфхонаҳо барои омўзиши касбҳои кафшергарӣ, коркарди сангҳои қиматбаҳо, заргарӣ, кандакорӣ, гулпартоӣ дар матоъ ва қаннодӣ, ташкилу баргузории конфронсҳои муштараки илмиро дарбар мегирад.
Дар охир меҳмонон аз Муассисаи давлатии “Маркази таълими калонсолони Тоҷикистон” боздид намуда, тасмин гирифтанд, дар рўзҳои наздиктарин ба 21 нафар духтарон, ки касби дўзандагиро аз омӯхтан доранд, мошинаҳои дарздўзӣ ва ба 12 нафар таълимгирандагони заргарии ин муассиса кӯмаки молиявӣ расонанд.
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
