Баррасии муаммоҳои низоми андозбандӣ
Душанбе, 25.09.2015. (АМИТ «Ховар», Раъно Нусратуллозода).-Дар Донишкадаи молия ва иқтисоди Тоҷикистон дар мавзӯи «Муаммоҳои низоми андозбандӣ дар рушди соҳибкорӣ» семинари илмию амалӣ доир шуд.
Тибқи иттилои котиби матбуоти донишкада Машҳура Абдуллоева, дотсенти кафедраи андоз ва андозбандии донишкада Тоҳир Исломов барои бартарафкунӣ ва ҳалли муаммоҳои тартиби андозбандӣ ҷиҳати рушди соҳибкорӣ пешниҳодҳои мушаххасро иброз дошт.
Пешниҳод гардид, ки бо мақсади рушди соҳаи хоҷагии қишлоқ ва ситонидани андози замин вобаста ба шакли кадастрии замин қисми 2, моддаи 273 ва қисми 4 моддаи 302 КА ҶТ аз эътибор соқит карда шаванд. Барои он ки ин қисмҳои Кодекси андоз пешбинӣ кардаанд, ки меъёри андози замин ва андози ягона ҳамасола бо назардошти сатҳи таваррум меафзояд. Аммо ҳосилнокӣ ва даромаднокии замин бо назардошти сатҳи таваррум намеафзояд ва на ҳамаи заминҳо барои мақсадҳои соҳибкорӣ истифода мешаванд.
Барои дуруст ба роҳ мондани тартиби андозбандӣ ва аз байн бурдани иштибоҳ дар қонунгузории андози амалкунандаи ҶТ ба қоидаҳои андозбандии тибқи патент фаъолияткунанда тағйирот ворид кардан лозим аст. Ҳамчунин барои дуруст ба роҳ мондани тартиби ҳисоббаробаркунӣ бо буҷаи давлат ба сархатҳои 1 ва 2, қисми 3 КА ҶТ тағйирот илова кардан лозим аст, зеро дар амал кормандони мақомоти андоз маблағҳои барзиёди пардохтшудаи андозсупорандагони аз ҳисоби андозҳои ба буҷаи маҳаллӣ тааллуқдоштаи барои мақсадҳои қарз аз ҳисоби андозҳои ба дигар буҷаҳо воридшавандаро ба инобат намегиранд.
Сардори шуъбаи корҳои илмӣ-тадқиқотӣ Қутбиддин Муқимов ва мудири кафедраи андоз ва андозбандӣ Хуршед Ҷумъабоев доир ба мавзӯъ сухан карда, таъкид карданд, ки ин пешниҳодҳо дар натиҷаи таҳлили қонунгузории андоз сурат гирифта, барои дуруст ба роҳ мондани тартиби андозбандӣ, сари вақт пардохтани андозҳо, мукаммал гардонидани Кодекси андози амалкунанда мусоидат мекунанд. Пас аз таҳлилу баррасӣ пешниҳодҳои мазкур ба мақомоти дахлдор ирсол мешаванд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






