Баррасии нақши криминалистика дар ошкоркунӣ ва тафтиши ҷиноятҳо

Душанбе, 29.09.2015 (АМИТ «Ховар»).- «Нақши криминалистика дар ошкор ва тафтиш намудани ҷиноятҳо»-таҳти чунин унвон чанде пеш дар Академияи Вазорати корҳои дохилӣ бо иштироки мутахассисони байналмилалӣ конфронси илмӣ-амалии ҷумҳуриявӣ баргузор гардид. 
Дар анҷумани илмӣ олимони донишгоҳҳо ва ташкилоти илмӣ, намояндагони мақомоти ҳокимияти қонунгузор, иҷроия ва мақомоти судӣ, ҳуқуқшиносон, роҳбарон ва кормандони мақомоти ҳифзи ҳуқуқи Тоҷикистон ва кишварҳои узви ИДМ иштирок намуданд.
Ҳадафи конфронси мазкур ҳамоҳангсозии кӯшишҳои олимони ватанию хориҷӣ оид ба масъалаҳои ҳалталаби илм ва амалияи криминалистика буд, то ки дар фазои қонунгузории ҷиноятӣ ва мурофиавии Тоҷикистон дар муқоиса бо дастовардҳои давлатҳои иштирокдор дар ин самт, баҳри мукаммалсозии қонунгузории соҳавӣ ва рушду ташаккули илми криминалистика боз як қадами устувор гузошта шавад.