Бо оби ошомиданӣ таъмин намудани сокинони шаҳраки навбунёди Питобдашт

Хоруғ, 10.09. 2015 (АМИТ   «Ховар» ).- Барои  бо оби ошомиданӣ пурра  таъмин намудани  сокинони  шаҳраки навбунёди Питобдашти  ҷамоати деҳоти Сучон,  ки  аҳолии он   аз  заррардидагони офати табии мебошанд,  барномаи нав  тарҳрезӣ гардид.
 Тибқи ин барнома   кандани  ду чоҳи амудӣ дар деҳаи Манем ва ҳавзи  обнигоҳдорӣ дар  деҳаи Питобдашт  оғоз ёфт.  Ғунҷоиши ҳавз  250  метри кубӣ  буда,  аз чоҳҳои амудӣ ба ҳавз дар масофаи 80 метр  қубурҳои обкаш гузаронида мешаванд.
 Барнома  дар ҳамкории мутахассисони  Сарраёсати  Геологияи тоҷик,  Раёсати Агентии беҳдошти замин дар вилояти Бадахшон ,  хоҷагии манзилию  коммуналии шаҳри Хоруғ   ва  Агентии  захираҳои модди давлатии назди Ҳукумати Ҷумҳурии Тоҷикистон  амалӣ  мегардад.  Дар айни  замон  барои бо обтаъмин намудани  сокинони  аз офати  табии  заррардидаи   шаҳраки Питобдашт  аз  рӯдхонаи кӯҳии  Богевдара  хати об кашида шудааст, ки  барои таъмини шаҳрак  басанда нахоҳад буд.