Боз 4 террорист кушта ва 7 нафари дигар дастгир шуданд

Душанбе, 06.09.2015 (АМИТ «Ховар»).- Маркази матбуоти Вазорати корҳои дохилӣ ва Кумитаи давлатии амнияти миллии Тоҷикистон хабар медиҳанд, ки имрӯз (06.09.с.2015), дар натиҷаи гузаронидани амалиётҳои махсус аз ҷониби кормандони ВКД дар якҷоягӣ бо Кумитаи давлатии амнияти миллӣ 4 нафар аъзоёни гурӯҳи ҷиноятпешаи Назарзода Абдуҳалим Мирзо (Ҳоҷи Ҳалим) дар рафти муқовимати мусаллаҳона безарар гардонида шуданд. Ҳамчунин, 7 нафар аъзоёни ин гурӯҳ дастгир гардида, миқдори зиёди яроқу аслиҳа, аз ҷумла 18 автомати «АКМ», 50 тирдон ва миқдори зиёди тир дарёфт ва мусодира карда шуд.

Вазорати корҳои дохилӣ ва Кумитаи давлатии амниятии миллии ҷумҳурӣ ба шаҳрвадон,  барои ҳамкорӣ ва расонидани кӯмак дар несту нобуд гардонидани гурӯҳи ҷиноятпешаи Назарзода А.М. миннатдории худро изҳор менамоянд. 

Амалиётҳои якҷояи сохторҳои қудратии кишвар дар дараи Ромити ноҳияи Ваҳдат оиди безарар гардонидани аъзоёни гурӯҳи террористии Назарзода А.М. идома доранд.