Боздошти як зан барои ҷалби ҷангиён ба сафи ДИ дар Испания

Душанбе, 07.09.2015. (АМИТ «Ховар»). — Полиси Испания дар шаҳри Фигерас (вилояти мухтори Каталония) як занро бо гумони иштирок дар фаъолияти гурӯҳи террористии «Давлати исломӣ» боздошт кард.
Вазорати корҳои дохилии Испания хабар медиҳад, ки боздоштшуда ҷангиёнро ба сафи ин гурӯҳи ифротӣ барои фаъолиятҳои ҷангӣ дар минтақаҳои мухталиф ҷалб мекардааст.
Ёдовар мешавем, ки рӯзи гузашта Гвардияи шаҳрвандии Испания дар вилояти мухтории Валенсия ҷавондухтари 18-солаи мароканиро, ки қасди пайвастан бо ДИ-ро дошт, боздошт намуд. Ин духтар тавассути шабакаҳои иҷтимоӣ ба сафи ин гурӯҳ дигар занонро ҷалб карда, инчунин ба воситаи интернет видеоҳои идеологии ДИ-ро паҳн мекард.