Чорабинии идона ба муносибати Истиқлолияти давлатӣ дар ВКД
Душанбе, 10.09.2015. (АМИТ «Ховар»).- Дирӯз, дар қисми низомии 3502- и Раёсати қӯшунҳои дохилии Вазорати корҳои дохилӣ ба муносибати 24-умин солгарди рӯзи Истиқлолияти Ҷумҳурии Тоҷикистон чорабинии тантанавӣ баргузор гардид.
Дар чорабинӣ роҳбарияти Вазорати корҳои дохилӣ, Раёсати қӯшунҳои дохилӣ, афсарону сарбозони қисми ҳарбии 3502-и қӯшунҳои дохилӣ, собиқадорони мақомот ва дигар меҳмонон иштирок доштанд.
Сардори Раёсати кадрҳо ва кор бо ҳайати шахсии ВКД Ҷумҳурии Тоҷикистон Абдураҳим Раҳимзода ба чорабинии идона ҳусни оғоз бахшида, тамоми афсарону сарбозонро бо ин санаи таърихию сарнавиштсоз барои халқи тоҷик табрику таҳният гуфта, дар иҷрои вазифаи пурмасъулашон комёбиҳои беназир таманно намуд.
Дар идомаи чорабинӣ Абдураҳим Раҳимзода аз номи роҳбарияти Вазорати корҳои дохилӣ барои хизматҳои арзанда, софдилонаю содиқонаашон ба Ватан ба як қатор афсарону сарбозон, собиқадорони қисми низомии 3502-и Раёсати қӯшунҳои дохилӣ, ки дар пешрафту ободии қисми низомӣ саҳм гузоштаанд, медалу нишонҳои сарисинагӣ, «Ифтихорномаи фахрӣ» ва «Сипоснома» тақдим намуданд.
Дар ҷамъомад барномаи консертӣ бо иштироки ҳунармандони шинохтаи ҷумҳурӣ ансамблҳои «Сипар»-и Вазорати корҳои дохилӣ ва «Дарё»-и назди Кумитаи телевизион ва радиои назди Ҳукумати Ҷумҳурии Тоҷикистон рӯҳу табъи собиқадорон ва афсарону сарбозонро болида гардонид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






