Ду амали террористӣ дар пойтахти Яман

Душанбе, 03.09.2015. (АМИТ «Ховар»). – Дар  масҷиди Ал-Муайяди   шимоли пойтахти Яман ду таркиши террористӣ ба амал омад. Гумон меравад, ки  бомбаи аввалро дар амалиёт  террорист- мунфаҷири  дар масҷид буда  тарконид. Таркиши дуюм вақте рӯй дод,  ки мардум биноро тарк карда буданд. Бино ба маълумоти пешакӣ, дастгоҳи тарканда  роҳандозӣ шудааст.
Тавре ки аз Вазорати тандурустии Яман ба оҷонсии Sputnik иттилоъ доданд, шумораи фавтидагон дар натиҷаи  ду таркиш дар масҷиди шимоли пойтахти Яман шаҳри Санъо 28 нафарро ташкил намуда, тақрибан сад нафар ҷароҳат бардоштанд. Бино ба иттилои манбаъ, ин  шумораҳо   ниҳоӣ нестанд. Тавре  Reuters хабар дод, бо ишора ба саҳифаи радикалии  шабакаҳои иҷтимоӣ, масъулияти ҳамлаи террористиро гурӯҳи «Давлати Исломӣ» ба ӯҳда гирифтааст.