Файзобод: тарғиби сулҳу ваҳдат миёни сокинон

Файзобод, 29.09.2015. (АМИТ «Ховар»,  Зебо  Давлатзода).-   Тавре ки мудири   бахши  кор  бо  занон  ва  оилаи  ноҳияи     Файзобод  Гулнора  Халифаева  иттилоъ  дод, аз  17 сентябр то  имрӯз  дар  тамоми  ҷамоату  шаҳраку  деҳоти  ноҳияи  Файзобод  вохӯриҳои  масъулини  ноҳия аз  мақомоти  ҳифзи  ҳуқуқ, кумитаи  дин ва  ҷашну  маросим,  мақомоти  корҳои  дохилӣ ва  дигар  масъулин  бо  шаҳрвандони   ноҳия  ҷараён дорад. 
 Мақсади  вохӯриҳо  баланд бардоштани маърифати  оиладорӣ,  пешгирии  ҷинояткорӣ миёни  наврасон,   фарогирии  хонандагон  барои  идомаи  таҳсил  ва  касбомӯзӣ,  тарғиби  сулҳу  ваҳдат  ва  созандагию  ободкорӣ  дар  муассисаҳои  таҳсилоти  миёнаи  умумии  ҳудуди  ҷамоатҳои  шаҳраку  деҳоти  ноҳия  мебошад.