Фестивали сайёҳӣ аз гулӯгоҳи Ла-Манш то Қаракӯли Мурғоб
Мурғоб, 30.09. 2015 (АМИТ «Ховар», Файз Мирҳасан).-Бо ибтикори Раёсати ҷавонон, варзиш ва сайёҳии вилояти Бадахшон бо мақсади рушди риштаи саёҳати экологӣ дар кӯли Қаракӯли ноҳияи Мурғоб фестивали «Дӯстдорони регатта» баргузор шуд, ки дар он сайёҳони хориҷӣ низ ширкат намуданд.
Регатта як навъи варзишест, ки ҳангоми бод тавассути чатр қаиқро идора мекунанд. Оилаи Грефенҳо аз ҷумлаи онҳое мебошанд, ки ба ин намуди варзиш зиёда аз 13 сол боз шуғл меварзанд. Онҳо на танҳо дар кишварашон Британияи Кабир, балки берун аз он ҳам шуҳрат ёфтаанд. Дар фестивал онҳо бо маҳорату чолокии худ тамошобинони зиёдро ба ҳайрат гузоштанд. Оилаи Грефенҳо мегӯянд, ки Қаракӯл бо табиати афсункор ва шамоли тез таваҷҷуҳи ҳар сайёҳро ба худ ҷалб мекунад. Иқлими ин ноҳия барои рушди ин риштаи варзиш хеле мусоид аст.
Қаракӯл дар қисми шарқии вилоят, дар баландии 3914 метр аз сатҳи баҳр мавқеъ дошта, дар масоҳати 380 километри мураббаъ доман густурдааст. Обаш шӯр буда, ягон мавҷудоти зинда надорад.
Фестивал се рӯз давом карда, дар он дар баробари сокинони маҳалӣ ҳамчунин даҳҳо нафар сайёҳони хориҷӣ ширкат доштанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






