Иди Қурбонро мардуми кишвар кай таҷлил менамоянд?
Душанбе, 14.09.2015.(АМИТ «Ховар», Марзия Саидзода).-Мардуми Тоҷикистон чун дигар мусулмонони кишварҳои ҷаҳон Иди Қурбонро рӯзи панҷшанбе, 24 сентябри соли 2015 таҷлил менамоянд. Дар ин хусус ба АМИТ «Ховар» аз Шӯрои уламои Маркази исломии Тоҷикистон иттилоъ доданд.
Дар ҷаласаи Шӯрои уламои Маркази исломии Тоҷикистон, ки имрӯз таҳти раёсати Саидмукаррам Абдулқодирзода- раиси Шӯрои уламои Маркази исломии Тоҷикистон дар Душанбе бо ҳузури имомхатибони масҷидҳои ҷомеи шаҳри Душанбе ва навоҳии тобеи марказ доир гардид, санаи таҷлили иди Қурбон тасдиқ шуд. Дар ин росто рӯзи панҷшанбе аз соати 7:00 субҳ дар тамоми масҷидҳои ҷомеи кишвар намози Иди Қурбон баргузор мегардад. Дар ҷаласа ҳамзамон ба имомхатибони масҷидҳои ҷомеи кишвар дастур дода шуд, ки дар хутбаи намози ҷумъа, аҳкоми қурбонӣ ва тарзи дурусти анҷом додани маросими қурбониро ба мардуми кишвар фаҳмонанд. Инчунин, таъкид гардид, ки дар оростани дастархони идона ба зиёдаравӣ ва исрофкорӣ роҳ надиҳанд, дар ин масъала намояндагони уламои кишвар бояд барои мардум намунаи ибрат бошанд. Ҳамзамон дар ҷаласа расонидани кумаку хайрияҳо ба ятимон, бепарасторон, маъюбон, оилаҳои камбизоат ва дигар қишрҳои ниёзманди ҷомеа, ки аз амалҳои неки ҳар фарди мусулмон аст, матраҳ гардид.
Бояд тазаккур дод, ки Иди Қурбон яке аз ду иди мардумони мусулмон буда, баъд аз ду моҳу даҳ рӯзи Иди сайиди Фитр таҷлил мешавад. Таҷлили Иди Қурбон дар Тоҷикистон дар ҳолест, ки соли равон наздики 6 ҳазор шаҳрванди кишварамон ба зиёрати Каъба ба Маккаи Мукаррама сафар намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






