Имзои Шартномаи амалиётҳои СВОП миёни БМТ ва БМЧ
Душанбе, 07.2015 (АМИТ «Ховар»).- Бонки миллии Тоҷикистон ва Бонки Мардумии Чин Шартномаи амалиётҳои СВОП, яъне мубодилаи як асъори миллӣ ба асъори миллии дигарро имзо карданд.
Санади мазкур дар ҳузури роҳбарони бонкҳои низомсози мамлакат аз ҷониби раиси Бонки миллии Тоҷикистон Ҷамшед Нурмаҳмадзода ва раиси Бонки мардумии Чин Жоу Сиаочуан ба имзо расид.
Бар асоси созишномаи мазкур, ки муҳлати он се соли ояндаро дар бар мегирад, Бонки мардумии Чин ба Бонки миллии Тоҷикистон 3,0 миллиард юан, муодили қариб 500 миллион доллари ИМА пешниҳод менамояд.
Ёдрас мешавем, ки чанде пеш раиси Бонки миллии Тоҷикистон Ҷамшед Нурмаҳмадзода бо ҳайати расмии Бонки мардумии Чин таҳти сарварии раиси бонки мазкур ҷаноби Жоу Сиаочуан мулоқот кард.
Ҷонибҳо ҳамкории Бонки мардумии Чин бо Бонки миллии Тоҷикистон, ташкилотҳои қарзӣ ва донишкадаҳои молиявии Ҷумҳурии Тоҷикистонро умедбахш арзёбӣ карда, зикр доштанд, ки барои амалӣ гардидани лоиҳаҳои ҳамкорӣ кушиш хоҳанд кард.
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
