Иштироки беш аз 40 ширкати чиноӣ дар намоишгоҳ

Сентябрь 17, 2015 10:13

      
Душанбе, 17.09.2015.(АМИТ «Ховар», Марзия Саидзода).- Беш аз 40 ширкати чиноӣ 17 сентябр маҳсулоти тавлидотии худро дар намоишгоҳи навбатии молҳои содиротии «Ноҳияи Мухтори Шинҷону Уйғури Чин- Тоҷикистон-2015», ки дар «Кохи Борбад»-и Душанбе баргузор гардид, ба намоиш ва фурӯш гузоштанд.  Дар маросими ифтитоҳи намоишгоҳ Шариф Саид -раиси Палатаи савдо ва саноати Тоҷикистон, Саидраҳмон Назриев-муовини аввали вазири  рушди иқтисод ва савдои ҷумҳурӣ, сардори Департаменти тиҷорати Хукумати Халқии Ноҳияи Мухтори Шинҷону Уйғури /НМШУ/ Чин  Ся Гуантай, ноиби волии ноҳияи Оқсӯйи НМШУ Муталиб Розӣ, намояндагони  Сафорати Чин дар Тоҷикистон ширкат намуда, доир ба таҳкими ҳамкории мутақобилан судманди иқтисодию тиҷоратии ду кишвари  ҳамҷавор сухан карданд.        Дар намоишгоҳ мошинолот, маҳсулоти сохтмонӣ, техникаи кишоварзӣ, фурӯзонакҳои каммасраф, маҳсулоти хӯрокӣ, либос, пойафзол, маҳсулоти нассоҷӣ, маҳсулоти ҳунармандӣ,  маводи шустушӯӣ ва дигар молҳои ниёзи мардум ба намоиш гузошта шуда буд. Интизор меравад, ки дар доираи баргузории намоишгоҳ ҳамоиши доираҳои соҳибкорони Тоҷикистону Чин доир гардида, дар он масоили  марбут ба таҳкими ҳамкории  иқтисодию тиҷоратӣ байни ду кишвари ҳамҷавор баррасӣ гарданд. Намоишгоҳ то 19 сентябр идома меёбад.

 

 

Сентябрь 17, 2015 10:13

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд